საქართველოს ყოფილი პრეზიდენტი, გიორგი მარგველაშვილი ამბობს, რომ 2012 წელს ბიძინა ივანიშვილზე ბევრად უფრო ძლიერი და დასავლური მხარდაჭერის მქონე პოლიტიკოსი მშვიდობიანად გაუშვეს. მარგველაშვილის თქმით, ყველა ვინც 2012 წელს ერთად იდგა, ქართული დემოკრატიის დასაცავად ისევ უნდა გაერთიანდეს.

"მე არ მივმართავ ბიძინა ივანიშვილს, დღეს ისეთი ვექტორი და ქვეყნის აგება გადაწყვიტა, რომ მე მასთან არ მაქვს დიალოგი. მაგრამ იმათ, ვინც ვიდექით 2012 წლამდე, ჩვენ ისევ უნდა დავდგეთ ქართული დემოკრატიის დასაცავად. იმათ, ვინც დღეს კიდევ იქ არიან და ჰგონიათ, რომ ძალიან ცუდ ისტორიულ ვექტორზე არ სხედან, მივმართავ, რომ უნდა გამოეცალონ, არ უნდა მიიღონ მონაწილეობა ამ პროცესში", — განაცხადა გიორგი მარგველაშვილმა TV პირველის ეთერში.