აშშ-ს პრეზიდენტმა, დონალდ ტრამპმა განაცხადა, რომ არაბეთის ნახევარკუნძულზე ალ-ქაიდას ლიდერი მოკლეს. ქასიმ ალ-რიმი, რომელიც ტერორისტულ დაჯგუფებას 2015 წლიდან ლიდერობდა, იემენში სპეცოპერაციის დროს მოკლეს.

AQAP (ალ-ქაიდა არაბეთის ნახევარკუნძულზე) 2009 წელს იემენსა და საუდის არაბეთის ორი რეგიონული ორგანიზაციის შეერთებით ჩამოყალიბდა. ძირითადადი თავდასხმები იემენში ხდებოდა, სადაც ტერორისტული დაჯგუფება ქვეყნის პოლიტიკური არასტაბილურობით სარგებლობდა.

ალ-რიმის მოკვლის შესახებ ინფორმაცია ჯერ კიდევ იანვრის ბოლოს გავრცელდა. თებერვლის დასაწყისში კი AQAP-მა ლიდერის ხმის ჩანაწერი გაავრცელა, სადაცისმოდა, რომ ფლორიდაში აშშ-ს საზღვაო ბაზაზე თავდასხმაში თვითონ იყვნენ პასუხისმგებელნი. საზღვაო ბაზაზე მასობრივი სროლა 2019 წლის დეკემბერში მოხდა და შესაძლებელია, ჩანაწერიც ადრე იყოს გაკეთებული.

თეთრმა სახლმა ალ-რიმის მხოლოდ მკვლელობა დაადასტურა, თუმცა მათ არ განაცხადეს, როდის ჩატარდა ოპერაცია.