ლუგარის ცენტრის დაჩქარებულმა კვლევამ გამორიცხა ინფექციურ საავადმყოფოში მყოფი ორივე პაციენტის კორონავირუსის შემთხვევა. ამის შესახებ ინფექციური საავადმყოფოს პრესსამსახური ფეისბუქზე წერს. მისივე თქმით, ქართველ გოგოს სერიოზული არაფერი სჭირს, ხოლო ჩინეთიდან ჩამოსულ პაციენტს B ტიპის ვირუსი აქვს.

6 თებერვალს ინფექციურ საავადყოფოში ორი პაციენტი შეიყვანეს. მათ შორის პეკინიდან ჩამოსული ჩინეთის მოქალაქე. ინფექციურის დირექტორი, თენგიზ ცერცვაძე ამბობდა, რომ ჩინეთის მოქალაქის შემთხვევაში ფიქსირდებოდა ვირუსის ნიშნები.

ახალი კორონავირუსის დიაგნოსტირება უკვე საქართველოშიც შესაძლებელია. ჩინეთში ახალი კორონავირუსით დაღუპულთა რიცხვი 563-მდე გაიზარდა, ვირუსით დაავადებულთა რაოდენობა კი 28 ათასს აჭარბებს.