კობი-სტეფანწმინდის მონაკვეთზე ზვავმა მანქანა ხევში ჩაიტანა და მგზავრი მოკლა. ამის შესახებ ინფორმაცია On.ge-ს საგანგებო სიტუაციების მართვის სამსახურიდან მიაწოდეს.

უწყებაში აცხადებენ, რომ ხევში გადავარდნილ მანქანაში სამი პირი იჯდა, რომელთაგანაც ერთი უვნებლად ამოიყვანეს, ერთი კი დაშავდა. პრესსამსახურის ინფორმაციით, ამ წუთებში გარდაცვლილი პირის ამოყვანის სამუშაოები მიმდინარეობს.