თბილისის საკრებულოს ნაციონალური მოძრაობის დეპუტატს, ლევან ხაბეიშვილს საქალაქო სასამართლომ 2 000-ლარიანი გირაო შეუფარდეს.

საქმე ეხება 24 იანვრის ინციდენტს, რა დროსაც, ბიუროდან გამოსულ ნაცემ ლევან ხაბეიშვილსა და ირაკლი ზარქუას შორის დაპირისპირება მოხდა. ბრალდების მხარე დეპუტატისთვის 3 000-ლარიანი გირაოს შეფარდებას ითხოვდა.

"გამომაცხადეს მსოფლიოს და ევროპის ჩემპიონად, "დაგეგმილი თავდასხმის" შემდეგ გამასამართლეს", — განაცხადა ხაბეიშვილმა პროცესის დასრულების შემდეგ.

24 იანვრის ბიუროს სხდომის დროს საკრებულოში ნაციონალური მოძრაობის დეპუტატს, ლევან ხაბეიშვილს სცემეს. ინციდენტის კადრებში ჩანს, რომ დეპუტატს ქართული ოცნების რამდენიმე დეპუტატმა სცემა. ხაბეიშვილის თქმით, იგი სატელევიზიო ეთერით კორუფციაზე საუბრის გამო სცემეს.

ხაბეიშვილის მიმართ ჯგუფურად ძალადობაში ბრალდებ სამ დეპუტატს თარაშ შურღაიას, ალექსანდრე ხუჯაძესა და ავთანდილ ცინცაძეს საქალაქო სასამართლომ 5 000-5 000 ლარის ოდენობის გირაო შეუფარდა.