სოფლისა და სოფლის მეურნეობის განვითარების სააგენტო უწყების ხელმძღვანელის გადაწყვეტილებით რებრენდინგს იწყებს და მასში 156 326 ლარს დახარჯავს. გაეროს განვითარების პროგრამიდან მიღებული თანხის დახარჯვა უწყების ხელმძღვანელმა სააგენტოს ფუნქციების გაზრდისა და სახელის შეცვლის მიზეზით გადაწყვიტა.

ბრენდინგის ფარგლებში დაგეგმილია ბრენდის სტრატეგიის, ვიზუალური ბრენდინგი და ბრენდბუქი.

"პროგრამების/პროექტების რაოდენობიდან და კომპლექსურობიდან გამომდინარე, ასევე მნიშვნელოვანია სხვადასხვა სამიზნე აუდიტორიამ სწორად გაიგოს მისი დანიშნულების შესახებ, შესაბამისად საჭიროა რაც შეიძლება მოკლე დროში განხორციელდეს სააგენტოს რებრენდინგი და შესაბამისი საკომუნიკაციო კამპანია, რომელიც რებრენდინგის განხორციელების შემდგომ განისაზღვრება", — განმარტავენ სააგენტოში.

სააგენტო ბრენდირების მომსახურების შესყიდვას ტენდერის გარეშე, პირდაპირი შესყიდვის გზით აპირებს.