შინაგან საქმეთა სამინისტროს ინფორმაციით, სასამართლოში ნიკა გვარამიაზე თავდასხმის ფაქტზე გამოძიება ძალადობის მუხლით დაიწყო. დღეს, 30 იანვარს თბილისის საქალაქო სასამართლოში ნიკა გვარამიას სამი პირი თავსდაესხა.

უწყების ცნობით, ფაქტზე გამოძიება საქართველოს სისხლის სამართლის კოდექსის 126-ე მუხლის პირველი ნაწილით მომდინარეობს, რაც ცემას ან სხვაგვარ ძალადობას, გულისხმობს, რამაც დაზარალებულის ფიზიკური ტკივილი გამოიწვია. ჩადენილი ჯგუფურად ისჯება თავისუფლების აღკვეთით ვადით ორ წლამდე.

ტელეკომპანია მთავარი არხის დამფუძნებელი აცხადებს, რომ თავდასხმის შემდეგ დაზიანება ცხვირისა და თვალის არეში მიიღო. ინციდენტამდე ნიკა გვარამია მთავარი არხის კიდევ ერთი დამფუძნებლის, გიორგი რურუას პროცესზე შედიოდა.