მას შემდეგ, რაც ნეტფლიქსის ერთ-ერთი ყველაზე გახმაურებული სერიალის, Narcos: Mexico-ს პრემიერა შედგა, თითქმის ორი წელი გავიდა. თუმცა მალე ერთგული მაყურებლების ლოდინი დასრულდება და ახალი სეზონის ხილვაც შეეძლებათ.

ნეტფლიქსმა სულ ცოტა ხნის წინ გაავრცელა მეორე სეზონის ტრეილერი:

Narcos: Mexico ცნობილი სერიალის, Narcos-ის ერთგვარი გაგრძელებაა. Narcos-ში მილიარდერი ნარკობარონის, პაბლო ესკობარის ცხოვრება იყო გაცოცხლებული, რომელიც კოკაინის ერთ-ერთი ყველაზე ცნობილი მწარმოებელი და დისტრიბუტორი იყო მსოფლიოში.

Narcos: Mexico კი 1980-იანების მექსიკაში ნარკოტიკით უკანონო ვაჭრობის გახმაურებულ ფაქტებზე მოგვითხრობს, როცა ნარკომოვაჭრეებსა და სახელმწიფო ძალებს შორის მთელი ქვეყნის მასშტაბით სისხლიანი დაპირისპირება მიმდინარეობდა.

ახალი სეზონის პრემიერა 13 თებერვალს შედგება.