ნაციონალური საკალათბურთო ასოციაცია (NBA) აცხადებს, რომ მათი ოჯახი ლეგენდარული კობი ბრაიანტის ტრაგიკული გარდაცვალების გამო განადგურებულია. ისინი უსამძიმრებენ ბრაიანტის ოჯახს, ლეიკერს, რომელშიც ის თამაშობდა და მთელ სპორტულ სამყაროს.

"20 სეზონის განმავლობაში ტობიმ გვაჩვენა, რას ნიშნავს, როცა შესანიშნავი ტალანტი შერწყმულია გამარჯვებისადმი აბსოლუტურ ერთგულებასთან. ის იყო ერთ-ერთი ყველაზე გამორჩეული მოთამაშე ჩვენი თამაშის ისტორიაში, რომელსაც ლეგენდარული მიღწევები ჰქონდა", — აცხადებენ NBA-ში.

თუმცა, მათი თქმით, ბრაიანტს არა ტიტულების, არამედ იმის გამო დაიმახსოვრებენ, რომ ის მთელს მსოფლიოში ადამიანებს შთააგონებდა.

"ის იყო ხელგაშლილი და ცოდნას, რომელიც მიიღო უზიარებდა ახალი თაობის მოთამაშეებს. განსაკუთრებით მოსწონდა თამაშისადმი სიყვარულის ჯენისთვის გაზიარება", — აცხადებს NBA-ს კომისარი ადამ სილვერი.

კობი ბრაიანტი კალიფორნიაში ვერტმფრენის ჩამოვარდნის შედეგად დაიღუპა. TMZ-ის ინფორმაციით, ბრაიანტთან ერთად მისი 13 წლის შვილიც გარდაიცვალა.

როგორც საერთაშორისო მედია წერს, ბრაიანტი საკუთარ ვერტმფრენში მინიმუმ სამ სხვა ადამიანთან ერთად იმყოფებოდა. ამჟამად 5 ადამიანის გარდაცვალებაა დადასტურებული. ცნობილია, რომ ბორტზე არ იყო მისი ცოლი, ვანესა ბრაიანტი.

ვერტმფრენის ჩამოვარდნის მიზეზი ჯერჯერობით უცნობია.

კობი ბრაიანტი აღიარებულია კალათბურთის ერთ-ერთ ყველაზე დიდ ვარსკვლავად. ის 20 წლის განმავლობაში ლოს-ანჯელეს ლეიკერსში თამაშობდა. მოგებული აქვს, NBA-ს ხუთი ჩემპიონატი და 18 All Star თამაში. ის იყო ყველაზე ახალგაზრდა მოთამაშე, რომელიც NBA-ში თამაშში 18 წლის ასაკში დაიწყო და კარიერა 2016 წელს დაასრულა. ბრაიანტი NBA-ს ისტორიაში პირველი მცველია, რომელმაც მინიმუმ 20 სეზონი ითამაშა.

გაიგეთ მეტი: