უცხოური მედიის ინფორმაციით, თურქეთში მიწისძვრის შედეგად დაღუპულთა რიცხვი 19-მდე გაიზარდა, დაშავებულებს შორის კი 600-ზე მეტი ადამიანია. 6,7-6,8 მაგნიტუდის სიმძლავრის მიწისძვრა ელაზიგის პროვინციაში მოხდა, რომელიც ანკარასთან 550 კილომეტრში მდებარეობს.

CNN-ის ინფორმაციით, 13 ადამიანი დაიღუპა ელაზიგის პროვინციაში, 4 — მალატიაში, 1 — დიბირანში და კიდევ ერთი სხვა მხარეში. ამ ინფორმაციას CNN თურქეთის საგანგებო სიტუაციების მართვის ხელმძღვანელზე დაყრდნობით ავრცელებს.

ელაზიგის პროვინციაში 30-ამდე გაუჩინარებული ადამიანის სამძებრო სამუშაოები მიმდინარეობს, დაშავებულთა რიცხვი კი დაახლოებით 650. წინასწარი ინფორმაციით მიწისძვრა 40 წამის განმავლობაში გრძელდებოდა.