იერუსალიმში ჰოლოკოსტის რიგით მეხუთე მსოფლიო ფორუმი გაიმართა, რომელსაც მსოფლიო ლიდერებთან ერთად დიდი ბრიტანეთის სამეფო ოჯახის წევრიც დაესწრო.

მსოფლიოს ყურადღება გავრცელებულმა ვიდეომ მიიპყრო, რომელშიც ჩანს, რომ პრინცი ჩარლზი ყველას ართმევს ხელს ამერიკის ვიცეპრეზიდენტის, მაიკ პენსის გარდა.

ვიდეოში ჩანს, რომ პრინცი ვიცეპრეზიდენტს უყურადღებოდ ტოვებს და ისრაელის პრემიერმინისტრს, ბინიამინ ნეთანიაჰუს ესალმება.

ვიდეოს მილიონობით ნახვა ჰქონდა და რა თქმა უნდა, უამრავი ადამიანი დაინტერესდა, რატომ არ შეიმჩნია ჩარლზმა მაიკ პენსი სხვა ლიდერებთან ერთად.

"პრინც ჩარლზს არ სურს, რომ მაიკ პენსის ხელებს შეეხოს", — წერს ტვიტერის მომხმარებელი.

"სამეფო ტრა*ზე მაკოცეთ, ასე ითარგმნება ჩარლზის საქციელი", — წერს მეორე.

სამეფო ოჯახისა და მაიკ პენსის პრესსამსახურებში განმარტეს, რომ პრინცი და აშშ-ს ვიცეპრეზიდენტი ერთმანეთს მანამდე შეხვდნენ, სწორედ ამიტომ აღარ მიესალმა ჩარლზი მას მეორედ.

როგორც ჩანს, დიდი დრამის უკან ეს პატარა, უწყინარი მიზეზი ყოფილა!