გუშინ Twitter-მა ოფიციალურ განცხადება გააკეთა, რომლითაც რამდენიმე თვეში მიკრო ვიდეო-ბლოგინგის პლატფორმა Vine-ის დახურვა და თანამშრომლების გათავისუფლება დააანონსა.

ტვიტერის ამ განცხადებას ონლაინ პორნო პლატფორმა Pornhub გამოეხმაურა და ვაინის შეძენის სურვილი გამოთქვა.

წერილში, რომელიც პორნჰაბის ვიცე-პრეზიდენტმა კორი პრაისმა, ტვიტერის CEO ჯეკ დორსის გაუგზავნა ნათქვამია:

"ვიფიქრეთ, რომ რადგან ტვიტერმა ვაინის დახურვა და თანამშრომლების გათავისუფლება გადაწყვიტა, თქვენ და თქვენი აქციონერები ახალი ფინანსებით იხეირებთ, რომელიც ვაინის გაყიდვის შემთხვევაში შემოგივათ".

ამავე წერილში პრაისი ამბობს, რომ 6 წამიანი ვიდეოები ბევრი ადამიანისთვის საკმარისზე მეტია.