ბათუმელმა ბექა ცინაძემ ცოტა ხნის წინ უსახლკარო ძაღლის ვიდეო გამოაქვეყნა, რომელიც ბავშვებს ზებრაზე გადასვლის დროს ეხმარებოდა.

ვიდეო, რომელშიც ყურადღებიანი ცუგა წესებისდამრღვევ მძღოლებს ყეფით მისდევს, შემდეგ კი ბავშვებთან ბრუნდება, თავდაპირველად ფეისბუქს მოედო ვირუსულად, შემდეგ კი ამერიკულ მედიაშიც გამოჩნდა.

უსახლკარო ცუგას ყველაზე გავრცელებული სახელი კუპატაა, თუმცა მას ბროლიასაც ეძახიან და შავყურა თეთრ ბიმისაც. დღეიდან ძაღლს ზამთრის ცივი ღამეების ქუჩაში გატარება აღარ მოუწევს, რადგან უკვე საკუთარი სახლი აქვს, წარწერით "კერა #12".

კუპატას სახლი აჭარის ტურიზმისა და კურორტების დეპარტამენტის თანამშრომლებმა უყიდეს და ზედ პერსონალური ვარსკვლავიც გაუხსნეს — "ხალხის რჩეული".

ყურადღებიანმა ცხოველმა მართლაც რამდენიმე დღეში იპოვა ადგილი ადამიანების გულებში — მის ვიდეოებს სხვადასხვა გვერდებზე მილიონზე მეტი ნახვა აქვს.

ფოტო: Department of Tourism and Resorts of Adjara

ფოტო: Department of Tourism and Resorts of Adjara

ფოტო: Department of Tourism and Resorts of Adjara

ფოტო: Department of Tourism and Resorts of Adjara

ფოტო: Department of Tourism and Resorts of Adjara

ფოტო: Department of Tourism and Resorts of Adjara