ავსტრალიის სამხრეთ-აღმოსავლეთით ქვინსლენდში ახლა უკვე წყალდიდობას ებრძვიან — დაკეტილია მთავარი გზატკეცილები და დატბორილია დასახლებული პუნქტები.

როგორც The Guardian წერს, ყველაზე ძლიერი ნალექი იყო ოქროს სანაპიროსთან. სინოპტიკოსების ცნობით, ბოლო 12 საათის განმავლობაში მოსული ნალექი თვიურ რაოდენობას სამჯერ აღემატება.

სახანძრო-სამაშველო სამსახური ტვიტერზე წერს, რომ წყალდიდობის შედეგად დაგროვილი წყალი სწრაფად მოძრავია და შეიძლება გამანადგურებელი შედეგები გამოიწვიოს.

BBC-ის ცნობით, ქვინსლენდში მთავარი გზები ჩაკეტილია, ხოლო სამხრეთ უელსში ამინდის გამო მოსახლეობის ნაწილს ელექტროენერგია არ მიეწოდება.

სახანძრო სამსახურის განცხადებით, წვიმა ხანძრის კერების ქრობაში დაეხმარათ. ამჟამად ქვეყნის მასშტაბით 75-მდე ცეცხლის კერა რჩება, მაშინ როდესაც 100-ზე მეტი იყო რამდენიმე დღის წინ.

სექტემბრიდან ავსტრალიაში ხანძარი მძვინვარებს, რომელმაც მილიარდზე მეტი ცხოველი, მათ შორის, გადაშენების პირას მყოფი სახეობები იმსხვერპლა და 6 მილიონი ჰექტარი გაანადგურა.