ოკუპირებული ცხინვალის რეგიონის დე ფაქტო უზენაესმა სასამართლომ დე ფაქტო პროკურატურის სარჩელი ნაწილობრივ დააკმაყოფილა და სამოქალაქო აქტივისტ თამარა მეარაყიშვილის საქმე პირველ ინსტანციაში დააბრუნა. ე.წ. საგამოძიებო უწყება მეარაყიშვილს თვითაღიარებული რესპუბლიკის ყალბი პასპორტის დამზადებას ედავება.

რაც შეეხება მეორე ბრალდებას — მმართველი პარტიაზე ცილისწამება, დე ფაქტო უზენაესმა სასამართლომ ძალაში დატოვა ე.წ. ქვედა ინსტანციის გადაწყვეტილება, რომელმაც მეარაყიშვილი უდანაშაულოდ ცნო.

"ყველაზე ცუდი დასასრულისკენ მიჰყავთ ეს საქმე", — წერს აქტივისტი და საზოგადოებას მხარდაჭერას თხოვს.

ეხო კავკაზასთან საუბრისას მან განაცხადა, რომ ამ გადაწყვეტილებას გაასაჩივრებს. გამოცემის ინფორმაციით 16 იანვარს 2 წელი და 6 თვე გავიდა მას შემდეგ, რაც მას გადა

თამარ მეარაყიშვილის საქმე

მეარაყიშვილი 2017 წლის 16 აგვისტოს დააკავეს დე ფაქტო სამხრეთ ოსეთის მმართველი პოლიტიკური პარტიის ედინაია ოსეტიას მიმართ ცილისწამების ბრალდებით. მას შემდეგ ოთხი სასამართლო პროცესი ჩატარდა ცხინვალში, ბრალდებულის სახლი არაერთგზის გაიჩხრიკა, არაერთი დაკითხვა ჩატარდა, თუმცა გამოძიებამ მაინც ვერ შეძლო საკმარისი მტკიცებულების მოპოვება იმის დასამტკიცებლად, რომ მეარაყიშვილი დამნაშავეა.

მეორე საქმე აქტივისტის წინააღმდეგ აღიძრა მუხლით, რომელიც ოფიციალური დოკუმენტების, ჯილდოების, ბეჭდის, შტამპის, ბლანკის გაყალბებას ითვალისწინებს. ე.წ. უწყება ამტკიცებდა, რომ მეარაყიშვილმა დე ფაქტო რესპუბლიკის პასპორტი ქართული პასპორტის შენარჩუნებით აიღო, რაც აკრძალულია.

თამარს ყველანაირი დოკუმენტი ქონდა ჩამორთმეული და გადაადგილების უფლება შეზღუდული. მთელ დროს ის ახალგორში, საკუთარ სახლში ატარებდა და გარეთ გასვლას მხოლოდ სასამართლო პროცესზე ან დაკითხვაზე წასვლის შემთხვევაში ახერხებს, ისიც ადვოკატის თანხლებით.

2019 წლის 10 ივლისს დე-ფაქტო სასამართლომ მეარაყიშვილს ყველა ბრალდება მოუხსნა, მათ შორის გაუქმდა გადაადგილების შეზღუდვაც, თუმცა პროკურატურამ გადაწყვეტილება ზედა ინსტანციაში გაასაჩივრა.