პოეტი ზვიად რატიანი, რომელიც 23 ივნისს აქციაზე დააკავეს, ბრალი ოფიციალურად წარუდგინეს. რატიანის ადვოკატმა, თინა ჩუთლაშვილმა NEWS.On.ge-ს განუცხადა, რომ ბრალი სისხლის სამართლის კოდექსის 353-ე პრიმა მუხლის პირველი ნაწილით წარედგინა, რაც პოლიციელზე თავდასხმას გულისხმობს. ბრალი 4-დან 7 წლამდე თავისუფლების აღკვეთას ითვალისწინებს.

ზვიად რატიანი პროევროპულ აქციაზე პირველად 2024 წლის 28-29 ნოემბრის ღამეს დააკავეს. მაშინ მას წვრილმან ხულიგნობასა და პოლიციისთვის წინააღმდეგობის გაწევას ედავებოდნენ. 2 დეკემბერს მოსამართლე ზვიად ცეკვავამ ზვიად რატიანს 8-დღიანი პატიმრობა შეუფარდა, რის შემდეგაც, 2024 წლის 9 დეკემბერს მან დროებითი მოთავსების იზოლატორი დატოვა.