პრინცესა დაიანას პირადი ნივთები აუქციონზე იყიდება

ერთ-ერთი ყველაზე უცნაური ნივთი, რომელიც მარტინ ნოლანს — Julien’s Auctions-ის თანადამფუძნებელს — თავისი ოცწლიანი კარიერის განმავლობაში აუქციონზე გამოუტანია, ტორტის თხელი ნაჭერი იყო, რომელიც პრინცესა დაიანასა და პრინცი ჩარლზის ქორწილში, 1981 წელს გაიჭრა. ტორტის ნაჭერი $2831-ად გაიყიდა.

ეს 2008 წელს მოხდა. დღეს კი, ნოლანის შეფასებით, შესაძლოა, იგივე ნაჭერმა ათობით ათას დოლარად გაიყიდოს.

"წლების განმავლობაში შევნიშნეთ, რომ დაიანა ის ფიგურაა, რომლის ნივთებსაც განსაკუთრებული მონდომებით აგროვებენ," — განაცხადა ნოლანმა ერთ-ერთ ბოლო სატელეფონო ინტერვიუში New York Times-თან. "ეს ინვესტიციის საუცხოო შესაძლებლობაა, თანაც, ადამიანებს დაიანას ნივთების შეძენისას უჩნდებათ განცდა, თითქოს პრინცესასთან პირადი კავშირი აქვთ."

**აუქციონზე გამოტანილი ნივთი პრინცესა დაიანას კოლექციიდან**

ფოტო: Julien's

მსოფლიოს პრინცესას გრაციოზულობის შესაცნობად სულ რაღაც 16 წელი ჰქონდა — მისი საჯარო ცხოვრებაში გამოჩენიდან 1997 წლამდე, დაიანას ტრაგიკულ სიკვდილამდე. ნოლანის თქმით, ამ მოკლე დროში საზოგადოების ინტერესი კიდევ უფრო გაიზარდა. ბევრი ადამიანი დღესაც გაფაციცებით ეძებს დაიანას ნივთებს და ცდილობს, პრინცესას მოგონებას "დაეპატრონონ".

ზრდადმა მოთხოვნამ აუქციონებს უბიძგა, დიანას ნივთების უფრო მეტი რაოდენობა გამოიტანონ გასაყიდად. სწორედ ამ ხუთშაბათს, Julien’s ატარებს აუქციონს, სადაც წარმოდგენილი იქნება დაიანას პირადი ნივთების დიდი კოლექცია, აგრეთვე სხვა სამეფო ოჯახის წევრების ნივთები — მათ შორის, დედოფალ ელიზაბეტ II-ისა და პრინცესა მარგარეტის. გაყიდვაშია დაიანას Lady Dior ჩანთა (რომელსაც მის პატივსაცემად გადაარქვეს სახელი), კაბები, ქუდები და სხვა უფრო ინტიმური ნივთები, როგორიცაა პირადი წერილები, დაბადების დღის ბარათები და დღესასწაულის მისალოცები. გაყიდვიდან მიღებული შემოსავლის ნაწილი გადაირიცხება Muscular Dystrophy UK-ში — ბრიტანულ საქველმოქმედო ორგანიზაციაში, რომელიც კუნთის დისტროფიის მქონე ადამიანებს ეხმარება.

ბოლო ამბები:

გირჩევთ

პრინცესა დაიანას პირადი ნივთები აუქციონზე იყიდება — დაათვალიერეთ მისი კოლექცია

კომენტარები

კვირის ტოპ-5

გირჩევთ

ახლა კითხულობენ

გიორგი ჭიღლაძე 5 000-ლარიანი გირაოს სანაცვლოდ სასამართლო დარბაზიდან გაათავისუფლეს