თბილისში, კლუბ ბასიანთან სროლაში ბრალდებულს იარაღის შეძენა-შენახვა-ტარებას აღარ ედავებიან. თუმცა მის მიმართ სისხლის სამართლის საქმის წარმოება კვლავ გრძელდება და 4-დან 13 წლამდე პატიმრობა ემუქრება.

საქმის პროკურორმა რუსთავი 2-თან საუბრისას განაცხადა, რომ იარაღის შეძენა-შენახვა-ტარების მუხლი ბრალდებულს აღარ აქვს წაყენებული, რადგან სანადირო გლუვლულიანი თოფის ფლობა დანაშაული არაა.

იმის მიუხედავად, რომ ბრალდებულს პროკურატურა იარაღის შეძენა-შენახვა-ტარებას აღარ ედავება, მას ბრალი კვლავ წაყენებული აქვს ჯანმრთელობის განზრახ მძიმე დაზიანებისა და ხულიგნობის მუხლებით.

12 იანვარს კლუბ ბასიანის ტერიტორიაზე სროლისა და სამი ადამიანის დაჭრის საქმეზე პოლიციამ ბიძინა ჩაჩხიანი დააკავა.

განახლება: მასალის თავდაპირველ ვერსიის სათაური იყო: "ბასიანთან სანადირო გლუვლულიანი თოფიდან ისროლეს, რაც იარაღის დასჯადი კატეგორია არაა — პროკურორი". მასალის სათაურში პროკურორის ციტატის გამოტანა არასწორი ინტერპრეტაციის საშუალებას იძლეოდა, რის გამოც შეიცვალა.