"მეორედ მოსვლა ახლოსაა ჩვენთან და ჩვენ ყველაფერი უნდა გავაკეთოთ იმისათვის, რომ მოვემზადოთ მეორედ მოსვლისათვის", — განაცხადა ილია მეორემ და დააყოლა, რომ, შეიძლება, სულაც რამდენიმე დღე გვქონდეს დარჩენილი.

ჩვენ ჩამოვწერეთ, რისი მოსწრება იქნებოდა სასურველი მეორედ მოსვლამდე:

1. 85 ნომერში ისე ჩაჯდომა, რომ მართლა იქ მიგიყვანოთ, სადაც მიდიოდით

ფოტო: Giphy

სასაცილო არაფერია, არავინ იცის მეორედ მოსვლის შემდეგ წრიული, საიდანაც მიმართულება გვერევა, კიდევ იარსებებს თუ - არა.

2. კარტოფილისა და ტყემლის ისეთი თანაფარდობის დაჭერა, რომლითაც ორივეს ერთდროულად ამთავრებ

ფოტო: giphy

ყველა ვყოფილვართ იმ სიტუაციაში, როცა ხან კარტოფილი გრჩება, ხან ტყემალი და ამის გამო სამუდამოდ გრძელდება ჭამის პროცესი.

3. სავარჯიშო დარბაზის აბონემენტის ყიდვა და გამოყენება

ფოტო: giphy

მოკლედ, მართლა სიარული დარბაზში - თვის ბოლოს იმის აღმოჩენის გარეშე, რომ სუფრაზე უფრო მეტჯერ მოვხვდით, ვიდრე ტრენაჟორებთან.

4. ყველა სათავსოს გადმოლაგება და ზედმეტი ტანსაცმლის დონაციისთვის გადაცემა

ფოტო: giphy

მეორედ მოსვლას ყველანი თბილად ჩაცმულები უნდა შევხვდეთ.

5. საყიდლების სიის შედგენა, რათა მეორედ მოსვლას მზად დახვდეთ

ფოტო: giphy

არ დაგავიწყდეთ, მოიმარაგოთ:

  • კონსერვები
  • წამლები
  • ასანთი
  • შინაური ცხოველების მშრალი საკვები

6. ხის დარგვა

ფოტო: Mohamed Chahin / Dribble

შეიძლება ბავშვის გაჩენა და სახლის აშენება ვერ მოასწროთ, მაგრამ ხის დარგვა სავსებით შესაძლებელია.

7. იმის გაგება, სად მიდიან ჩვენი ცალი წინდები

ფოტო: Ej Hassenfratz / Dribbble

მერე აღარავის გვეცლება მსგავსი წვრილმანებისთვის.

8. პროპორციულ არჩევნებში მონაწილეობის მიღება

ფოტო: giphy

ამბოხებული მაჟორიტარების ჯინაზე!

9. იმ სერიალის ნახვა, რომელსაც მეგობრები დაჟინებით გირჩევდნენ და შენ არც კი ჩაგირთავს

ფოტო: giphy

უფრო სწორად, კი ჩართე, მაგრამ აღარაფერი გახსოვს და თან ვერც იმჩნევ, რომ ჯერაც არ გინახავს.

10. ოჯახის წევრებისთვის იმის თქმა, რამდენად ძვირფასი არიან შენთვის

ფოტო: giphy

პრინციპში, ამის გაკეთება მეორედ მოსვლის გარეშეც შეიძლება.