თავისუფალი დემოკრატების ერთ-ერთ ლიდერს, ნინო გოგუაძე ჟურნალისტმა ინგა გრიგოლიამ ამავე პარტიის უკვე ყოფილი წევრის გუშინ გაკეთებული განცხადება შეახსენა, რომლის თანახმადაც პარტიის ყოფილმა ლიდერმა, ირაკლი ალასანიამ იცოდა, რომ აბაშიძე და თავისუფალი დემოკრატების სხვა წევრები პარტიას ტოვებდნენ.

ჟურნალისტის შეკითხვას, ფლობდა თუ არა აღნიშნულთან დაკავშირებით რაიმე ინფორმაციას გოგუაძე, მან უარყოფითად უპასუხა და განმარტა, რომ

"გავმიჯნავ ბუკა პეტრიაშვილის წასვლას და ამ ადამინების წასვლას, ირაკლი ალასანიას გადადგომას და ამ ადამიანების წასვლას, რადგან აღნიშნული სხვადასხვა მოტივებით მოხდა.ალასანია რომ გადადგებოდა, ეს მან ჩვენგვითხრა. დიდი ხანი ვარწმუნებდი, რომ არ გადაედგა ეს ნაბიჯი, მაგრამ მან მე პირადად მითხრა, რომ ის მოვალეა, პასუხისმგებლობა აიღოს ამ მარცხზე. რაც შეეხება აბაშიძეს და ა.შ., ისინი რომ პარტიას ტოვებდნენ ტელევიზიით გავიგე".