Ekhokavkaza-ს ინფორმაციით, უმაღლესი რადის დეპუტატი, ნადეჟდა სავჩენკო მოსკოვში ჩავიდა. სავჩენკო უკრაინის მოქალაქეების, სტანისლავ კლიხისა და ნიკოლაი კარპიუკის სასამართლო სხდომას დაესწრება. უზენაესი სასამართლო აღნიშნულის პირებისთვის გამოტანილი განაჩენის კანონიერებას განხილვას აპირებს.

საქმე ეხება 2016 წლის 27 მაისს გროზნოს სასამართლოს მიერ მიღებულ გადაწყვეტილებას, რომლითაც კარპიუკს თავისუფლების აღკვეთა 22 წლითა და 6 თვით შეუფარდეს, კლიხს კი - 20 წლით. აღნიშნული პირებს ბრალად ედებათ 1994-1995 წლებში ჩეჩნეთის ომში რუსეთის ფედერაციის წინააღმდეგ მონაწილეობა და რუსი ჯარისკაცების მკვლელობა.

კარპიუკი და კლიხი ბრალს არ აღიარებენ და განმარტავენ, რომ ჩეჩნეთში არასდროს ყოფილან. ისინი ამბობენ, რომ რუსეთის სამხედრო ძალებმა გაიტაცეს და გამოძიების მიმდინარეობისას აწამებდნენ კიდეც. თავის მხრივ, სავჩენკო მხარს უჭერს კლიხსა და კარპიუკს, რომლებიც რუსეთის ციხეებში იმყოფებიან.

რუსულმა მხარემ ნადეჟდა სავჩენკო 2014 წელს წელს დააკავა და ბრალად რუსი ჟურნალისტების, იგორ კორნელიუკისა და ანტონ ვოლოსინის, მკვლელობა დასდო. სავჩენკო ბრალდებას უარყოფდა და ამტკიცებდა, რომ მის ირგვლივ განვითარებული პროცესებს პოლიტიკური სარჩული ჰქონდა. მისი განმარტებით, 2014 წლის ივნისში აღმოსავლეთ უკრაინაში მას შემდეგ შეიპყრეს, რაც რუსი ჟურნალისტები უკვე დახოცილები იყვნენ.

სავჩენკოს რუსულმა სასამართლომ 22 წლიანი პატიმრობა შეუფარდა. 20 აპრილს უკრაინა და რუსეთი ნადია სავჩენკოსა და უკრაინაში გასამართლებული რუსეთის მოქალაქეების გაცვლაზე შეთანხმდნენ. 2016 წლის 25 მაისს სავჩენკო უკრაინაში დაბრუნდა.