თუ აშშ-ს ერაყში მისი ბაზების დაბომბვის გამო ირანს პასუხს გასცეს, ირანი იმუქრება, რომ თავდასხმების მესამე ტალღას დაიწყებს. ამის შესახებ ინფორმაციას NBC News-ის თეირანის ბიუროს ხელმძღვანელი ალი აროუზი ტვიტერზე წერს.

მისივე ინფორმაციით, ირანელები თავდასხმების მესამე ტალღაში ჰაიფას (ჩრდილოეთ ისრაელი) და დუბაის (არაბთა გაერთიაენებული საემიროები) დაბომბვით იმუქრებიან.

"ირანი აფრთხილებს, რომ თუ იქნება შურისძიება თავდასხმების ორ ტალღაზე, თავდასხმების მესამე ტალღას წამოაყენებენ და გაანადგურებენ დუბაისა და ჰაიფას", — წერს აროუზი ტვიტერზე.

ირანმა ერაყში არსებული მინიმუმ ორი ამერიკული ბაზა ბალისტიკური რაკეტებით დაბომბა. აშშ-ის ცნობით, ამერიკული სამხედრო ბაზების მიმართულებით სულ მცირე 12 რაკეტა ისროლეს. თავდასხმა გასულ კვირას ირანელი გენერლის, სოლეიმანის ლიკვიდაციას უკავშირდება. დაშავებულებისა და დაღუპულების შესახებ ინფორმაცია ჯერჯერობით არ გავრცელებულა.

განხორციელებულ თავდასხმაზე პასუხისმგებლობა ირანის რევოლუციის გუშაგთა კორპუსმა აიღო. მათ განაცხადეს, რომ ნებისმიერი ქვეყანა, სადაც აშშ-ის სამხედრო ბაზებია განლაგებული, შეიძლება აგრესიის სამიზნე გახდეს. გარდა ამისა, გუშაგთა კორპუსმა ამერიკის მოქალაქეებს მოუწოდა, მთავრობას რეგიონიდან სამხედრო ძალების გაყვანა მოსთხოვონ.

ამ დროისთვის დაზუსტებული ინფორმაცია დაღუპულებზე არ არსებობს, თუმცა ერაყის უსაფრთხოების ძალები ამბობენ, რომ მსხვერპლი არაა. აშშ-ის ოფიციალური პირების განცხადებით, სამხედრო პირები სარაკეტო შეტევის შესახებ სამხედრო პირები სარაკეტო შეტევის შესახებ ინფორმირებულნი იყვნენ და მათ საკმარისი დრო ჰქონდათ იმისთვის, რომ თავი ბუნკერისთვის შეეფარებინათ.