პარლამენტის თავმჯდომარეს, არჩილ თალაკვაძეს მიაჩნია, რომ პრეზიდენტმა სალომე ზურაბიშვილს დეკანოზ გიორგი მამალაძის არშეწყალებისას "სწორი და სახელმწიფოებრივი აქცენტები" ჰქონდა. მისი თქმით, პრეზიდენტამ დეკანაზის არ შეწყალების გადაწყვეტილება დამოუკიდებლად მიიღო.

" ეს გადაწყვეტილება ნამდვილად არის მისი დამოუკიდებელი გადაწყვეტილება. კონსტიტუციით და კანონმდებლობით პრეზიდენტს აქვს დისკრეცია, რომ თავად მიიღოს შეწყალებასთან დაკავშირებით გადაწყვეტილება. როგორც ჩანს, ბევრი საქმე იყო განხილული. მე არ ვიცნობ პერსონალურად იმ ადამიანების საქმეებს, რომლებმაც პრეზიდენტს შეწყალებისთვის მიმართეს. თუმცა, მინდა გითხრათ, რომ პრეზიდენტის აქცენტები შეყწალების პრინციპებთან დაკავშირებით იყო სწორი და სახელმწიფოებრივი", განაცხადა არჩილ თალაკვაძემ.

დღეს, 6 იანვარს, ცნობილი გახდა, რომ რამდენიმეთვიანი მორატორიუმის შემდეგ პრეზიდენტმა საშობაოდ 5 მსჯავრდებული შეიწყალა. თუმცა, საპატრიარქოს შუამდგომლობის მიუხედავად, შეწყალებულთა შორის ვერ მოხვდა დეკანოზი გიორგი მამალაძე.