ფორმულაზე გიორგი თარგამაძე გადაცემა დროებას ისევ წაიყვანს. ამის შესახებ გადაცემა გიორგი თარგამაძის ფორმულაში არხის გენერალურმა დირექტორმა, ზუკა გუმბარიძემ განაცხადა. როგორც თვითონ თარგამაძე განმარტავს, გადაცემა ეთერში მომავალი წლის თებერვლის ბოლოს ან მარტის დასაწყისში გავა.

"ეს იქნება საკვირაო ტელეჟურნალი, რომელიც კვირის შემაჯამებელი გადაცემა იქნება, მაგრამ არ იქნება მხოლოდ იმ კვირის ამბებზე ფოკუსირებული. იქნება ისეთი თემების შემომტანიც, რომელიც, ზოგადად, საზოგადოებისთვის იქნება საინტერესო, ასევე, იქნება ისეთი სიუჟეტები, რომელიც ჩვენის საზოგადოების თვალთახედვის არეალს კიდევ უფრო გააფართოებს", — განაცხადა გიორგი თარგამაძემ.

გიორგი თარგამაძეს ტელევიზიაში მუშაობის მრავალწლიანი გამოცდილება აქვს. ის ტელეკომპანია იმედში მაშინ მუშაობდა, როცა ნაციონალური მოძრაობის ხელისუფლებაში ყოფნის დროს არხი სპეცრაზმმა დაარბია. ამ პერიოდში ის სწორედ დორების წამყვანი იყო. 7 ნოემბრის შემდეგ მას შემდეგ პოლიტიკაში წავიდა და თავის ჟურნალისტ კოლეგებთან ერთად ქრისტიან-დემოკრატიული პარტია დააფუძნა.