ოპერატორმა ლუკა იმედაშვილმა საქართველოს მთავრობასა და თბილისის მერს, კახი კალაძეს ახალი წლის "მისალოცი" ვიდეო დაუმზადა. ვიდეოში თბილისის საახალწლო განათებები, მორთული ქუჩები, ნაძვის ხე და წყვილი ჩანს. კადრებს ფონად აქციების დაშლისას მოქალაქეების ყვირილი, საპროტესტო შეძახილები, მოწოდებები და სროლის ხმა ადევს.

1:25 წამიანი ვიდეოს განმავლობაში მაყურებელი საახალწლო კადრებს ხედავს ფონად კი ესმის შეძახილები "მონებო", "ძალა ერთობაშია", "სირცხვილი". ვიდეოში ჩანს მომღიმარი პერსონაჟები და ისმის სპეცრაზმის სროლის ხმა.

ლუკა იმედაშვილმა On.ge-სთან საუბრისას თქვა, რომ დღესასწაული არ გვაძლევს იმის უფლებას, რომ რამე დაგვავიწყდეს.

"მიუხედავად იმისა, რომ ახალი წელი მოდის, ეს არ გვაძლევს უფლებას, რომ ყველაფერი დაგვავიწყდეს. ეს არის ჩემი წილი პროტესტი".