მარნეულში, ყიზილაჯლოს საარჩევნო უბანზე დასრულდა საპარლამენტო არჩევნების განმეორებითი კენჭისყრის შედეგების დათვლა. აღნიშნულ უბანზე ერთიანი ნაციონალური მოძრაობის კანდიდატმა, აჰმედ იმამყულიევმა აიღო 381 ხმა, ხოლო ოცნების კანდიდატმა, თამაზ ნავერიანმა – 313.

მიუხედავად იმისა, რომ იმამყულიევმა აღნიშნულ უბანზე არჩევნები მოიგო, მას არ აქვს ხმების 50%–ზე მეტი, რის გამოც მარნეულში 30 ოქტომბერს, სხვა 50–მდე ოლქის მსგავსად, არჩევნების მეორე ტური გაიმართება.

ოქმის შევსების პროცესი ყიზილაჯლოს საარჩევნო უბანზე. 23 ოქტომბერი, 2016

ფოტო: On.ge/თამუნა გეგიძე

რაც შეეხება ზუგდიდში 22 ოქტომბერს გამართულ მეორად კენჭისყრებს, სამივე უბანზე ქართული ოცნების კანდიდატმა გაიმარჯვა.