ნაიკმა საცურაო კოსტიუმების ახალი კოლექცია დააანონსა და ისიც განმარტა, რომ პროდუქტი იმაზე მრავალფეროვანი იქნება, ვიდრე ის ოდესმე ყოფილა.

საქმე ის არის, რომ საცურაო კოსტიუმების კლასიკური ვერსიების გარდა, კოლექციაში საცურაო ჰიჯაბებიც იქნება.

"ნაიკის ახალი დიზაინის მქონე საცურაო კოსტიუმები მთლიანად მორგებულია მომხმარებლების კომფორტსა და უსაფრთხოებაზე. ჩვენი კომპანიის მიზანია ისეთი პროდუქტის შექმნა, რომელიც სულ უფრო მეტ ქალს შეუწყობს ხელს, რომ სპორტით დაკავდეს", — ამბობენ კომპანიაში.

ნაიკის ახალი პროდუქტი ბაზარზე 1 თებერვლიდან გამოჩნდება და მისი შეძენა მსოფლიოს ნებისმიერ კუთხეში იქნება შესაძლებელი.