ახალი წლის მოახლოებასთან ერთად, ტერაბანკმა ვიზა ბარათების მფლობელებისთვის სადღესასწაულო აქცია დაიწყო. აქციის განმავლობაში ბარათით გადახდა კომფორტულთან ერთად, მომგებიანიც იქნება.

აქციის პერიოდში ვიზა ბარათით გაკეთებულ ყოველ მე-10, მინიმუმ 10 ლარიან ტრანზაქციაზე ნებისმიერ მომხმარებელს საჩუქრად 10 ლარი დაერიცხება.

აქციის ბოლოს გამოვლინდება გამარჯვებული და იგი განსაკუთრებულ პრიზს მიიღებს: მომხმარებელს, რომელიც აქციის განმავლობაში ყველაზე მეტ მინიმუმ 10-ლარიან გადახდას შეასრულებს, ალპებში 2-კაციანი საგზური გადაეცემა.

"ახალი წელი საჩუქრების დროა. ვფიქრობთ, იმ ადამიანებისთვის, რომლებიც ბარათებით აქტიურად იხდიან, ჩვენი და ვიზას ერთობლივი აქცია დამატებითი სტიმული იქნება. ალპებში მოგზაურობა კი იღბლიან მომხმარებელს სადღესასწაულო განწყობას გაუხანგრძლივებს", —აცხადებენ ტერაბანკში.

ტერაბანკისა და ვიზას ერთობლივი აქცია 16 დეკემბერს დაიწყო და 31 იანვარს დასრულდება.