ქართული ოცნების დეპუტატი სვეტლანა კუდბა პარლამენტში მძაფრი სუნის მქონე ხსნარის დასხმას ბიოლოგიურ თავდასხმად აფასებს.

"ეს იყო ადამიანებზე ბიოლოგიური თავდასხმა, მე მასე დავარქმევდი. უნდა დაისაჯოს ის, ვინც გააკეთა. რა თქმა უნდა, მკაცრი რეაგირება უნდა იყოს", — განაცხადა მან მათვარი არხის კითხვის პასუხად.

კუდბამდე პარლამენტის თავჯდომარემ, არჩილ თალაკვაძემ მომხდარს ქიმიური შეტევა უწოდა. მათმა თანაგუნდელმა, გია გაჩეჩილაძემ კი მომხდარი ტერორისულ თავდასხმად მიიჩნია.

12 დეკემბერს პარლამენტში პლენარული სხდომა სპეციფიური სუნის გავრცელების გამო შეწყდა. ადგილზე გამოიძახეს საპატრულო პოლიცია და სასწრაფო დახმარება. მომხდარზე პასუხისმგებლობა მოძრაობა #სირცხვილიამ აიღო. თუმცა, უმრავლესობის დეპუტატები ამბობენ, რომ სხდომათა დარბაზში სპეციფიური სუნის მქონე ნივთიერება ევროპული საქართველოს დეპუტატებმა: ირმა ნადირაშილმა და ლელა ქებურიამ შეიტანეს.

ამავე თემაზე: