200-მდე ახალგაზრდა მედიაპროფესიონალი, ონლაინ მედიაზე გავლენის მქონე პირი, სამოქალაქო საზოგადოების აქტივისტი და ევროკავშირის ოფიციალური წარმომადგენელი 11-12 დეკემბერს ფინეთის დედაქალაქ ჰელსინკიში შეიკრიბა. ღონისძიება "Stronger Together - აღმოსავლეთ პარტნიორობის მედია კონფერენცია" ფინეთის თავმჯდომარეობის ფარგლებში ევროკომისიის მხარდაჭერით ტარდება.

კონფერენციამ საშუალება მისცა მონაწილეებს ევროკავშირიდან და აღმოსავლეთ პარტნიორობის ქვეყნებიდან (აზერბაიჯანი, ბელარუსი, მოლდოვის რესპუბლიკა, საქართველო, სომხეთი და უკრაინა) ერთმანეთისთვის გაეზიარებინათ გამოცდილება მედია-სივრცის შესახებ საკუთარ ქვეყნებში.

კონფერენციის განმავლობაში განხილული თემები მოიცავდა გამოხატვის თავისუფლებას, საპასუხისმგებლო კომუნიკაციას და ერთმანეთის ნდობას. გაშუქდა ასევე ციფრული ტექნოლოგიების როლი და დეზინფორმაციის მართვა. მონაწილეებმა განიხილეს კონკრეტული ზომები უსაფრთხო, სანდო და ანგარიშვალდებული ონლაინ ეკოსისტემის შემდგომი ხელშეწყობის; ცნობიერების ამაღლების და მედია-ინფორმირებულობის ხელშეწყობის; ასევე დამოუკიდებელი მედიის და ხარისხიანი ჟურნალისტიკის მხარდაჭერის მიზნით.

ღონისძიება წარმოადგენდა 13-14 ნოემბერს რიგაში ჩატარებული აღმოსავლეთ პარტნიორობის მედია კონფერენციის გაგრძელებას, რომელზეც განხილული იქნა დამოუკიდებელი მედიის ეკონომიკური სტაბილურობა აღმოსავლეთ პარტნიორობის ქვეყნებში.