მაიამის სანაპიროზე გამართული Art Basel-ის სახელწოდებით ცნობილი თანამედროვე ხელოვნების გამოფენა-ბაზრობაზე ერთი უჩვეულო ექსპონატი იყო წარმოდგენილი, რომელმაც დამთვალიერებლების განსაკუთრებული ყურადღება მიიქცია: კედელზე წებოვანი ლენტით მიკრული ბანანი.

ეს უჩვეულო არტ-ინსტალაცია ცნობილ იტალიელ ხელოვანს, მაურიციო კატელანს ეკუთვნის, რომელსაც მანამდეც შეუქმნია ასევე გახმაურებული ხელოვნების ნიმუშები, მაგალითად, ამერიკა — ოქროს უნიტაზი. Art Basel-ის გამოფენაზე წარმოდგენილი ხელოვანის ამ ნამუშევარს კი კომიკოსი ჰქვია და როგორც თავად განაცხადა, ინსტალაციაში გამოყენებული ბანანი მაიამის ჩვეულებრივ მაღაზიაში შეიძინა.

გალერეის დამფუძნებლის, სადაც პირველად გამოიფინა ეს არტ-ინსტალაცია, ემანუელ პეროტინის თქმით, კომიკოსი "გლობალური ვაჭრობის, ორაზროვნებისა და კლასიკური იუმორის სიმბოლოა".

მაურიციო კატელანმა სულ სამი ნიმუში შექმნა, რომელთან ორი უკვე გაიყიდა 120 000 დოლარად, მესამე კი, როგორც ამბობენ, 150 000 დოლარად იყიდება აუქციონზე. თანამედროვე ხელოვნების მოყვარულების ასეთი დაინტერესების მიუხედავად, უცნობია, თუ რა ბედი ეწევა ამ ინსტალაციას, როცა ბანანი ლპობას დაიწყებს.