საქართველოს ექსპრეზიდენტი და ოდესის ყოფილი გუბერნატორი მიხეილ სააკაშვილი უკრაინაში მის გაპრემიერებაზე გავრცელებულ ჭორებს სპეკულაციებს უწოდებს. კითხვაზე, სურს თუ არა მას იქ პრემიერობა, სააკაშვილი ამბობს, რომ უკრაინა უყვარს, მაგრამ საქართველო — უფრო მეტად.

"უკრაინა ძალიან მიყვარს, ვგულშემატკივრობ, მაგრამ საქართველო არის ჩემს გულზე, აგერ საქართველოს გამოსახულება არის. საქართველო არის აგერ ჩემს ტელეფონზე. საათი მაქვს საქართველოს ხუთჯვრიანი დროშის გამოსახულებით. ძალიან მარტივია და საქართველო არის ჩემს გულში", — განაცხადა მან მთავარი არხის ეთერში გადაცემა აქცენტებში.

გარდა ამისა, სააკაშვილმა განაცხადა, რომ უკრაინის ახლა პრეზიდენტთან კარგი ურთიერთობა აქვს, მაგრამ "თანამდებობაზე გამოკიდებული" არც საქართველოში იყო და არც იქ არის. მანვე აღნიშნა, რომ ქვეყნიდან წასვლა ცუდი გადაწყვეტილება იყო.

გადაცემაში სააკაშვილმა ისაუბრა იმაზეც, რომ ქვეყანა საფრთხეშია ქართული ოცნების თავმჯდომარის ბიძინა ივანიშვილის გამო და მას დახმარება სჭირდება.

გაიგეთ მეტი: