5 დეკემბერს BDO-მ პროგრამა "ბალანსის" ღონისძიება დააანონსა. ღონისძიების თემაა მცირე და საშუალო სავაჭრო კომპანიების ავტომატიზაცია.

"ბოლო 3 წლის მანძილზე BDO-ში დიდი გამოცდილება დაგვიგროვდა იმის შესახებ თუ როგორ უნდა აღირიცხებოდეს ვაჭრობა სწორად, ანუ:

  • როგორი რეპორტინგი სჭირდებათ SME სავაჭრო კომპანიების მენეჯერებს;
  • როგორ ლაგდება საწყობის პროცესები ავტომატიზაციით;
  • როგორ უნდა იყოს საწყობსა და მაღაზიას შორის ურთიერთობა, ისე რომ მომხმარებელი ყოველთვის დარჩეს კმაყოფილი და სად არის აქ პროგრამის როლი;
  • როგორ შეიძლება სავაჭრო კომპანიების წარმატება ასტრალში გაიჭრას BI ანალიტიკის გამოყენებით.

ღონისძიებაზე გავაზიარებთ ჩვენს გამოცდილებას და სტუმრებს ვაჩვენებთ, როგორ წყდება ამ ინდუსტრიის მნიშვნელოვანი გამოწვევები პროგრამულად ბალანსში. აქვე გაგაცნობთ ქლაუდ ტექნოლოგიას და გაჩვენებთ, როგორ ხდება აღრიცხვა ღრუბლებში", – ამბობს ბალანსის ხელმძღვანელი, გიგა ვახტანგაშვილი.

კონფერენციის ფარგლებში ბალანსის მომხმარებლები: ზოდის, ფიშმარკეტისა და მეგასპორტის ფინანსური მენეჯერები და დირექტორები ავტომატიზაციის საკუთარ გამოცდილებაზე ისაუბრებენ.

ღონისძიებაზე დასწრება თავისუფალია, თუმცა აუცილებელია წინასწარი რეგისტრაცია, რომლისთვისაც მიყჰევით ამ ბმულს.