ძველი მაცივრებით ეს კაცი უსახლკარო კატებისთვის სახლებს აკეთებს

ზამთარი ახლოვდება და გაუსაძლის სიცივესთან ბრძოლა თითოეული ჩვენგანის გამოწვევაა. სიცივე აწუხებთ იმ ათასობით ცხოველსაც, რომლებსაც თავშესაფარი არ აქვთ და ქუჩაში ცხოვრობენ.

ფილიპ როგიჩი ამერიკაში ცხოვრობს და მათ შორისაა, ვისაც ცხოველების უსაფრთხოებაზე ზრუნვა მნიშვნელოვანია. სწორედ ამიტომ, მან გადაწყვიტა, რომ უსახლკარო კატებს სითბოს შენარჩუნებაში დახმარებოდა და მათთვის კომფორტული თავშესაფარი მოეწყო.

კაცი ძველი პლასტმასის მაცივრებით პატარა სახლებს აკეთებს და მეტი კომფორტისთვის, შიგნით თივასაც ყრის.

"ამ იდეის ინსპირაციის წყარო ერთ-ერთი ფეისბუქ პოსტი იყო. მოგვიანებით კი გადავწყვიტე დამეპოსტა, რომ პლასტმასის მაცივრებს ვეძებ. ძირითად სამუშაოებს ბავშვებთან ერთად ვაკეთებ. მეხმარება ჩემი ცოლიც, რომელსაც ასევე ძალიან უყვარს ცხოველები", — ამბობს ფილიპი.

კაცი იმასაც ამბობს, რომ ყველას აქვს ფარეხში ძველი მაცივარი, ან რაიმე მსგავსი ნივთი, რომელიც აღარ სჭირდება და რომელიც უპატრონო ცხოველებისთვის თავშესაფრის გასაკეთებლად გამოდგება.

ჩვენ კი ვფიქრობთ, რომ ფილიპი სამაგალითო, კეთილი ადამიანია, რომელსაც ჩვენც შეგვიძლია მივბაძოთ და თბილისის ქუჩებში მცხოვრებ უსახლკარო ცხოველებსაც გავუკეთოთ პატარა სახლები ზამთრის გადასატანად.

ბოლო ამბები:

გირჩევთ