ფილიპინების პოლიციამ ცრემლიანი გაზი გამოიყენა აშშ-ს საელჩოსთან შეკრებილი ათასობით მომიტინგეს დასაშლელად, მანილაში, ადგილზე გადაღებული ვიდეო ასევე აჩვენებს, რომ საპატრულო მიკროავტობუსზე შეტევის შემდეგ, ის დემონსტრანტებს დაჯახებით ფანტავს.

მომიტინგეები აკრიტიკებდნენ ქვეყნის პრეზიდენტს როდრიგო დუტერტეს, რომელმაც შეურიგებელი და სასტიკი ომი გამოუცხადა ქვეყანაში არალეგალური ნარკოტიკების მომხმარებლებს.

პირველი ივლისიდან 18 აგვისტომდე ფილიპინების მთავრობის ომს ნარკოტიკების წინააღმდეგ 899 ადამიანი შეეწირა.

ვიდეოში ჩანს, რომ ერთ მომიტინგე ქალს პატრულის მანქანამ ზემოდან გადაუარა, მაშინ, როცა მომიტინგეები ტრანსპორტს სხვადასხვა ნივთებს სროდნენ.

დემონტრატორების ნაწილი ყვიროდა, მაშინ, როცა მათი ნაწილი ქვებს სროდა მანქანას.

მომიტინგეების სპიკერმა პოლიციას "იმპერიალისტების სათამაშო" უწოდა.

ABC-ის ცნობით, დაღუპულები არ არიან. დაკავებულია 29 მომიტინგე, 10 კი საავადმყოფოშია გადაყვანილი.

ფილიპინელი აქტივისტის, რენატო რაიესის თქმით, პოლიციის წარმომადგენელს ძალადობისთვის არავინ ასამართლებს.