Amazon-მა კიდევ ერთი ახალი ამბიციური პროექტი — სერიალი Hunters დააანონსა.

ახალი სატელევიზიო შოუს შექმნაში მონაწილეობას იღებდა ოსკაროსანი რეჟისორი, ჯორდან პილი, რომელსაც მაყურებლები უკვე კარგად იცნობენ ფილმებით Get Out და Us.

სერიალის სიუჟეტი 1977 წლის ნიუ-იორკში ვითარდება, სადაც სპეციალური გუნდი იმ მაღალჩინოსნების გამოაშკარავებაზე იწყებს მუშაობას, რომლებიც სინამდვილეში ფაშისტები არიან და ამერიკაში მეოთხე რაიხის შექმნას გეგმავენ.

სერიალში ფაშისტებზე მონადირეებს შორის ვიხილავთ ლეგენდარულ მსახიობს, ალ პაჩინოსაც, რომლის ემოციური მონოლოგი გვესმის სწორედ ტრეილერის განმავლობაში:

"დრო მოვიდა, როცა ყველამ უნდა გავაკეთოთ არჩევანი სინათლესა და სიბნელეს შორის."

სერიალის პრემიერა 2020 წელსაა დაგეგმილი.