ახალციხეში ქართული ოცნების წევრებმა ევროპული საქართველოს წარმომადგენლებს ადმინისტრაციულ შენობაზე ბოქლომის დადების უფლება არ მისცეს. ისინი შენობის წინ იდგნენ და აქციის მონაწილეებს კარებთან არ უშვებდნენ.

"დააბოქლომეთ თქვენს ოფისი.. ბოქლომები დაადეთ უგულავას" — ასე უპასუხეს საპროტესტო აქციის მონაწილეებს თვითმართველობის წარმომადგენლებმა.

სიტყვიერი კამათის შემდეგ აქცია დაიშალა.

"მაინც დაგაბოქლომებთ"

მას შემდეგ, რაც ქართული ოცნების დეპუტატებმა პროპორციული საარჩევნო სისტემის კანონპროექტი ჩააგდეს, საქართველოს მასშტაბით სხვადასხვა ქალაქებში საპროტესტო აქციები იმართება. პროტესტის ფარგლებში პიკეტირებული იყო მთავარი საკანონმდებლო ორგანოც, რომლის შესასვლელებიც ხელისუფლებამ სპეცრაზმისა და წყლის ჭავლის გამოყენებით გახსნა.

აქციის დაშლის შემდეგ ოპოზიციამ და სამოქალაქო აქტივისტებმა პროტესტი ახალი ფორმა "მაინც დაგაბოქლომებთ" დაიწყეს. ისინი სხვადასხვა ადმინისტრაციულ შენობებს ბოქლომებს ადებენ. პროტესტის მონაწილეებმა სიმბოლურად უკვე "დააბოქლომეს" პროკურატურა, სახელმწიფო უსაფრთხოების სამსახური, მთავრობის კანცელარია. ასევე, ისინი ბოქლომს ადებენ მაჟორიტარი დეპუტატების ოლქებს.

ამავე თემაზე: