უმრავლესობიდან წამოსულმა დეპუტატმა, გედევან ფოფხაძემ განათლების კომიტეტი დატოვა. ამის მიზეზად ფოფხაძემ გაცდენების გამო დაწესებული ჯარიმები დაასახელა, რომელიც პოლიტიკური დევნის იარაღად მიიჩნია.

"უკვე მეორედ, კომიტეტის აპარატი მაჯარიმებს კომიტეტის სხდომების გაცდენის გამო, რაც მგონია, რომ არის რეგლამენტის დისკრიმინაციული მუხლის შედეგიც და გარდა ამისა, ვაფიქსირებ, რომ მიმაჩნია ჩემი პოლიტიკური დევნის ფორმად ქართული ოცნების მხრიდან. ამიტომ, შეუძლებლად ვთვლი, რომ კომიტეტის შემდგომ მუშაობაში მუშაობა მივიღო," — განაცხადა ფოფხაძემ.

მანვე აღნიშნა, რომ ბიუროს ოფიციალურად მიმართავს განცხადებით და დაამატა, რომ ქართული ოცნება არის "ყოვლად სულმდაბალი და მორალდაცლილი" პოლიტიკური ძალა.

ფოფხაძის გასვლის შემდეგ, შოთა ხაბარელმა აღნიშნა, რომ ეს არასწორი დამოკიდებულებაა ფოფხაძის მხრიდან, რადგან პარლამენტის ახალი რეგლამენტით გაცდენებისთვის ჯარიმდება ყველა.