ლევან აკინის ფილმი And Then We Danced უკვე არაერთი საერთაშორისო ჯილდოს მფლობელი გახდა და მისი ჩვენებები კვლავ წარმატებით იმართება სხვადასხვა მნიშვნელოვან კინოფესტივალზე.

ამას ადასტურებს თუნდაც ის, რომ ფილმს მხოლოდ გასულ კვირას ხუთი ახალი ჯილდო გადაეცა:

ესპანეთში გამართულ სევილიის კინოფესტივალზე And Then We Danced-ს ორი, მაყურებლის ფავორიტი ფილმისა და საუკეთესო LGBT+ ფილმის ჯილდო გადაეცა, ხოლო მადრიდში გამართულ LGBT+ ფილმების საერთაშორისო ფესტივალზე LesGaiCineMad ლევან აკინის კინოსურათი წლის საუკეთესო ფილმად, ლევან გელბახიანი კი საუკეთესო მსახიობად დასახელდა. ფილმი ასევე გახდა მაყურებლების რჩეული და წლის ფავორიტი ფილმი.

როგორც უკვე ვიცით, ეს ქართულ-შვედური პროექტი წელს შვედეთის სახელით ოსკარებზეა გაგზავნილი და დეკემბერში გავიგებთ, მოხდება თუ არა ის საუკეთესო უცხოენოვანი ფილმების ნომინაციაში ფინალისტებს შორის.