დღეს, 17 ნოემბერს ვარშავაში საქართველოს საელჩოსთან საპროტესტო აქცია გაიმართა. დემონსტრანტებმა გააპროტესტეს ხელისუფლების უმოქმედობა ოკუპირებულ ცხინვალში გატაცებული ექიმის, ვაჟა გაფრინდაშვილის გათავისუფლების საკითხებში და მხარდაჭერა გამოუცხადეს თბილისში მიმდინარე აქციის მონაწილეებს.

აქციის მონაწილეებს ეჭირათ პლაკატები წარწერებით: "ფუმფლო ბიძინა", "დავიბრუნოთ ქვეყანა" და "თავისუფლება ვაჟა გაფრინდაშვილს".

აქციის ერთ-ერთი ორგანიზატორის, ტატო მიროტაძის განცხადებით, ბიძინა ივანიშვილისა და ქართული ოცნების მოქმედებები ზღვარგადასულია:

"ხელისუფლების ასეთი დამოკიდებულება აღმაშფოთებელია, როგორც ქვეყნის შიგნით, ასევე მის საზღვრებს გარეთ მცხოვრები ქართველებისთვის. დღეს ყველა ქართველი დგას არჩევანის წინაშე — მოითხოვოს ქართული ოცნების და ბიძინა ივანიშვილის ჩამოშორება ხელისუფლების სადავეებიდან, ან უმოქმედობით მხარი დაუჭიროს მას".

აქციაზე ასევე იმყოფებოდა ოკუპირებული ვაჟა გაფრინდაშვილის ძმის შვილი, ვაჟა გაფრინდაშვილი. მან გააპროტესტა ხელისუფლების უუნარობა მცოცავ ოკუპაციასთან და ბიძის გატაცებასთან დაკავშირებით.

ფოტო: ტატო მიროტაძე

ფოტო: ტატო მიროტაძე