ეროვნული ვალუტა ამერიკულ დოლართან და ევროსთან ისევ გაუფასურდა.

როგორც ეროვნული ბანკის საიტზე ვკითხულობთ, 14 ოქტომბრის მონაცემებით 1 ამერიკული დოლარის ღირებულება 2,3537 ლარია, ხოლო 18 ოქტომბრისთვის ის 0,0215 ლარით გაძვირდება და მისი შეძენა 2,3752 ლარად იქნება შესაძლებელი.

ლარი ევროსთანაც გაუფასურდა. 14 ოქტომბრის მონაცემებით, 1 ევროს ღირებულება 2,5942 ლარია, ხოლო 18 ოქტომბრისთვის ის 0,0161 ლარით გაძვირდება და მისი შეძენა 2,6103 ლარად იქნება შესაძლებელი.

11 ოქტომბერთან შედარებით, როცა 1 დოლარი 2,3340 ლარი ღირდა, ამერიკული ვალუტა 0.0412 ლარითაა გაძვირებული.