ევროსაბჭოს საპარლამენტო ასამბლეის თამომხსენებლები პროპორციული საარჩევნო სისტემის პროექტის ჩავარდნას ეხმაურებიან. გავრცველებულ განცხადებაში ნათქვამია, რომ ისინი სინანულს გამოთქვამენ საკონსტიტუციო ცვლილების ჩავარდნის გამო და ამას უკანგადადგმულ ნაბიჯად აფასებენ:

"პროპორციული სისტემის შემოღებას სხვადასხვა დაინტერესებული მხარე ათწლეულებია ითხოვს. ყველა დაინტერესებყული მხარის მიერ აშკარა კონსენსუსის ფონზე პროპორციული საარჩევნო სისტემის 2020 წლისთვის დანერგვაზე უარი გაუგებარი იყო. ეს უკანგადადგმული ნაბიჯია".

თანამომხსენებლები მოუწოდებენ პოლიტიკურ ძალებსა და მმართველ უმრავლესობას, მოიძიონ გზები, რომლითაც მიიღებენ ამ ცვლილებას მომავალ არჩევნებამდე.

14 ნოემბერს ქართულმა ოცნებამ დაპირება არ შეასრულა და პროპორციული საარჩევნო სისტემის კანონპროექტი ჩააგდო. პროექტის ჩაგდებამ უკმაყოფილება გამოიწვია როგორც საზოგადოებაში, ისე არასამთავრობო ორგანიზაციებსა და ოპოზიციაში. სწორედ ამ მიზეზით პარლამენტთან რამდენიმე ათასი ადამიანი გავიდა და რუსთაველის გამზირი გადაკეტა.