თბილისის მერი, კახა კალაძე ამბობს, რომ შუა თითი არა აქციის მონაწილებს, არამედ თავის დაცვის თანამშრომელს აჩვენა. ამის შესახებ კომენტარი On.ge-მ მერიის პრესსამსახურისგან მიიღო.

"კახა კალაძის თქმით, ის ჩვეულებრივი ადამიანია და ადგილზე მყოფი საკუთარი დაცვის ორი თანამშრომლის მიმართ წყენა ბუნებრივად გამოხატა", — აღნიშნულია მერიის პრესსამსახურის მიერ მოწოდებულ ინფორმაციაში.

დღეს, 14 ნოემბერს ქართული ოცნების ოფისიდან გამოსულ კახა კალაძეს ფორმულას ოპერატორმა ვიდეო გადაუღო, სადაც ჩანს როგორ იშვერს თბილისის მერი შუა თითს.