პრინცი ჩარლზი ინსტაგრამს იყენებს. სამეფო ოჯახის 70 წლის წევრმა თავისი პირველი პოსტი სამშაბათს, 12 ნოემბერს გამოაქვეყნა.

ინსტაგრამის ანგარიში კლარენს ჰაუსი წლებია, რაც მისი და კორნუელის ჰერცოგინია კამილას ცხოვრებას და მოღვაწეობას აღწერს, თუმცა ჩარლზმა ინსტაგრამის პოსტისთვის აღწერა პირველად დაწერა. ტექსტის ბოლოს, რომელიც ინდოეთში მის მოგზაურობას ეხება, პრინცი ჩარლზის ინიციალებია აღნიშნული.

"ჩემი მეათე ოფიციალური ვიზიტი ინდოეთში დასრულდა. გურუ ნანაკის 550 წლის იუბილეზე, მინდა ჩემი თბილი და საუკეთესო სურვილები გავუგზავნო სიქის თემს, რომელთა ნაწილიც გაერთიანებულ სამეფოში ცხოვრობს", — წერს ის.

გურუ ნანაკი რელიგია სიქიზმის დამაარსებელი და ათიდან პირველი სიქი გურუა. მისი ცხოვრების აღწერა შეკრებილია თხზულებებში, რომელსაც ეწოდება ჯამანსაკჰი.