პარლამენტში ქართული ოცნების მაჟორიტარ დეპუტატს, კახა ოქრიაშვილს იმედი აქვს, რომ 30-40 მაჟორიტარი დეპუტატი პროპორციული საარჩევნო სისტემის პროექტს მხარს არ დაუჭერს. როგორც მან ჟურნალისტებს განუცხადა, პროექტის მიღების შემთხვევაში ქვაყანაში ვადამდელი საპარლამენტო არჩევნები ჩატარდება.

"ყველამ უნდა გაიაზროს, რა პრობლემის წინაშე დადგება ქვეყანა, თუ გადავა ამ საარჩევნო სისტემაზე. ეს სისტემა არის დამაზიანებელი ჩვენი ქვეყნისთვის", — განაცხადა დეპუტატმა.

დღეს, 12 ნოემბერს პარლამენტში პროპორციულ საარჩევნო სისტემას განიხილავენ. საპარლამენტო უმრავლესობის მიერ მომზადებული პროექტი 2020 წლის საპარლამენტო არჩევნების პროპორციული სისტემით ჩატარებას ითვალისწინებს. კერძოდ, პოლიტიკური სუბიექტის მანდატების რაოდენობის დასადგენად, პარტიის მიერ მიღებული ხმების რაოდენობა 150-ზე გამრავლდება და არჩევნებში მონაწილე ყველა პოლიტიკური ძალის მიერ მიღებული ხმების ჯამზე გაიყოფა. არჩევნები ნულოვანი ბარიერის პირობებში ჩატარდება. ასევე, ახალი პროექტი საარჩევნო ბლოკების მონაწილეობის შესაძლებლობას არ ითვალისწინებს.

გაიგე მეტი: