თუ სატელევიზიო შოუების ყურება თქვენი საყვარელი თავშესაქცევია, მაშინ აუცილებლად გეცოდინებათ ნეტფლიქსის ერთ-ერთი ყველაზე ცნობილი სერიალი Sex Education.

აქტიურ მაყურებლებს ისიც ეცოდინებათ, რომ 2019 წელს შოუს დიდი წარმატება ხვდა წილად და თინეიჯერების შესახებ გადაღებულ ერთ-ერთ საუკეთესო სერიალადაც აღიარეს, რის გამოც ნეტფლიქსმა მალევე დაიწყო გაგრძელებაზე, მეორე სეზონის გადაღებაზე მუშაობა.

სულ ცოტა ხნის წინ კი სწორედ მეორე სეზონიდან გავრცელდა ახალი ფოტოები, რომელთა საშუალებითაც შესაძლებლობა გვაქვს მონატრებულ პერსონაჟებს სეზონის პრემიერამდე თვალი შევავლოთ:

როგორც ჩანს, საუკეთესო მეგობრები, ოტისი და ერიკი უცნაურ ექსპედიციაში იმყოფებიან.

ფოტო: Netflix

ვიღაცებს კი სამართალდამცავებთან პრობლემები შეექმნათ.

ფოტო: Netflix

ახალ სეზონში, ალბათ, ახალ მეგობარ წყვილებსაც ვიხილავთ.

ფოტო: Netflix

ჯექსონისა და მისი მშობლების ურთიერთობა, სავარაუდოდ, კიდევ უფრო გამწვავდება.

ფოტო: Netflix

იმასაც გავიგებთ, თუ რა ბედი ეწევა ადამს სამხედრო სკოლაში.

ფოტო: Netflix

და, რაც მთავარია, კვლავ ვიხილავთ მომხიბვლელ და მომაჯადოვებლ ჯილიან ანდერსონს თერაპევტი დედის როლში.

ფოტო: Netflix

მეორე სეზონის გამოსვლის ზუსტი თარიღი ჯერ უცნობია, თუმცა ის მაინც ვიცით, რომ მისი პრემიერა 2020 წლის პირველ ნახევარში შედგება.