გირჩის ლიდერი, იაგო ხვიჩია ამბობს, რომ ტრანსგენდერი ქალების ჩაცმულობა მისთვის სასაცილოა. ამის შესახებ მან TV პირველის ეთერში ისაუბრა, სადაც კითხვა ჰომოფობიური აზრების მატარებელმა, სანდრო ბრეგაძემ დაუსვა.

ბრეგაძე დაინტერესდა, არის თუ არა ვაჟკაცური ჩაცმულობა, როცა ტრანსგენდერი ქალები კოლგოტით დადიან, რაზეც ხვიჩიამ ასე უპასუხა:

"ასეთი ფორმით ჩაცმული ადამიანები სასაცილოდ მეჩვენება".

იაგო ხვიჩიამ იმის ასახსნელად, რომ მას ადამიანების თვითგამოხატვის ფორმისთვის არ დაუცინია, ჰომოფობიური არგუმენტი მოიყვანა:

"ჩემთვის ძალიან მნიშვნელოვანი არის ადეკვატურობა... მე ხშირად მესასაცილოება არაადეკვატურობა... წარმოიდგინეთ, ადამიანი მოდის თქვენთან და უნდა თანაწამყვანობა და გამოგეცხადათ მამაკაცი ქალის ფორმაში ჩაცმული, მოკლე კაბით. თქვენ რომ უთხრათ, უარი იმის გამო, რომ ადეკვატურობას ითხოვთ, ანუ ისეთ ფორმას, რომელიც თქვენი მაყურებლისთვის გასაგები და მისაღები იქნება, მაგას გიხსნით..."