მილიონობით მსმენელის ერთობლივი ოცნება ახდა და ცნობილი ამერიკული როკბენდი, My Chemical Romance სცენაზე ბრუნდება.

ამის შესახებ ინფორმაცია 31 ოქტომბერს ჯგუფის ინსტაგრამის ოფიციალურ ანგარიშზე გამოქვეყნდა:

My Chemical Romance კონცერტს მხოლოდ ერთხელ, ლოს-ანჯელესში 20 დეკემბერს გამართავს და კონცერტზე დასასწრები ბილეთების შეძენა პირველი ნოემბრიდანაა შესაძლებელი.

ჯგუფი 2012 წლის შემდეგ აღარ ეწეოდა აქტიურ მუსიკალურ კარიერას, რის გამოც შვიდი წლის შემდეგ ეს დაბრუნება მათი ერთგული მსმენელებისთვის განსაკუთრებით მნიშვნელოვანია.

მართალია, გავრცელებული ინფორმაციის თანახმად, ეს მხოლოდ ერთადერთი შოუ იქნება, მაგრამ ვინ იცის, იქნებ სცენაზე დგომა და მსმენელების ყიჟინა ისე მოეწონოთ, რომ სხვა სიურპრიზებითაც გაგვანებივრონ.