თბილისში, მარჯანიშვილის ქუჩაზე დაცვის პოლიციის მანქანა არასრულწლოვანს დაეჯახა. როგორც შინაგან საქმეთა სამინისტროში On.ge-ს უთხრეს, დაზარალებული საავადმყოფოშია გადაყვანილი.

საქმეზე გამოძიება სისხლის სამართლის კოდექსის 276-ე მუხლის მეორე ნაწილით დაიწყო. ამ მუხლით ავტომობილის მოძრაობის უსაფრთხოების წესის დარღვევა იმის მიერ, ვინც ამ სატრანსპორტო საშუალებას მართავს, რამაც ჯანმრთელობის ნაკლებად მძიმე დაზიანება გამოიწვია, ისჯება ჯარიმით ან შინაპატიმრობით ვადით ექვსი თვიდან ორ წლამდე ანდა თავისუფლების აღკვეთით ვადით სამ წლამდე.