მმართველი პარტიის დეპუტატ მამუკა მდინარაძეს პატრიოტთა ალიანსის მეორე დეპუტატი ადა მარშანიაც დაუპირისპირდა. მარშანიამ განაცხადა, რომ მდინარაძე ქართული ოცნების მთავარი დემაგოგია და მას უნიჭო უწოდა.

"ბატონო მამუკა, კოლეგა ჩემო, მომისმინეთ კარგად, უნდა გამოვეხმაურო თქვენს გამოსვლას. ღიმილი გაქვთ ხო სახეზე, როგორც ყოველთვის, მორიგი ღიმილი.

ბატონო არჩილ, შეცვალეთ მთავარი დემაგოგის პიროვნება თქვენს პარტიაში. მას ხომ ეს ფუნქცია აკისრია, იყოს მთავარი დემაგოგი. ძალიან უნიჭოა და ძალიან ვულგარულია. ეს არის ჩემი სუბიქტური შეხედულება", — განაცხადა მარშანიამ პლენარულ სხდომაზე.

ამას წინ უძღოდა ირმა ინაშვილის და მამუკა მდინარაძის დაპირისპირება. ინაშვილმა ქართული ოცნების დეპუტატებს მოუწოდა თავი შეეკავებინათ "წინასწარ პროცენტების ბრახა-ბრუხისგან". მისი თქმით, მმართველ პარტიას უფრო ნაკლები მხარდამჭერი ყავს, ვიდრე პატრიოტთა ალიანს.

მდინარაძემ განაცხადა, რომ ინაშვილი არასწორ სტატისტიკას იშველიებს, როდესაც ქართული ოცნების მხარდამჭერების რიცხვზე საუბრობს. მისი თქმით, ეს რიტორიკა ნაციონალური მოძრაობისა და ევროპული საქართველოს განცხადებებს გავს.

ამავე თემაზე: